കൊച്ചി: ഇടിച്ചിട്ടു നിര്ത്താതെ പോകുന്ന വാഹനങ്ങൾ കണ്ടെത്താന് ജില്ലകള് തോറും പ്രത്യേക പോലീസ് സ്ക്വാഡുകള് രൂപീകരിക്കണമെന്ന് പോലീസ് മേധാവിക്കു ഹൈക്കോടതി നിര്ദേശം.
വാഹനങ്ങള് കണ്ടെത്താനാകാതെ അന്വേഷണം വഴി മുട്ടുകയും ഇരകള്ക്ക് ഇന്ഷ്വറന്സ് സഹായം ലഭിക്കാതെവരികയും ചെയ്യുന്ന സാഹചര്യം ചൂണ്ടിക്കാട്ടിയാണ് ജസ്റ്റീസ് ജി. ഗിരീഷിന്റെ ഉത്തരവ്.
സ്ക്വാഡുകള് ജില്ലാ പോലീസ് മേധാവിമാരുടെ മേല്നോട്ടത്തില് പ്രവര്ത്തിക്കണം. പരാതികളില് സൈബര് പോലീസിന്റെ സഹായം ഉറപ്പാക്കുന്നതിനൊപ്പം സ്ക്വാഡുകളുടെ ഫോണ് നമ്പറുകള് പൊതുജനങ്ങള്ക്കു ലഭ്യമാക്കണം.
വിധിപകര്പ്പ് കേന്ദ്ര കാബിനറ്റ് സെക്രട്ടറിക്കും സംസ്ഥാന ചീഫ്സെക്രട്ടറിക്കും പോലീസ് മേധാവിക്കും അയയ്ക്കാനും കോടതി നിര്ദേശിച്ചു.
Deepika
E-paper LOGIN
LOGIN